Qeveria në detyrë ka mbajtur sot një mbledhje në formë elektronike, ku ka marrë një vendim.

Sipas ZKM’-së, në këtë mbledhje, Qeveria ka miratuar vendimin për ndryshimin dhe plotësimin e Vendimit të Qeverisë për zbatimin e sanksioneve ndërkombëtare ndaj Rusisë “me qëllim të linjëzimit të politikës së jashtme të Republikës së Kosovës me Politikën e Përbashkët të Jashtme dhe të Sigurisë (CFSP) të Bashkimit Evropian”, shkruan Arbresh.info

Vendimi i ndryshuar dhe plotësuar është i datës 22 shkurt 2022.

Sipas atij vendimi, sanksionet përfshinin: Ngrirje të aseteve në Republikën e Kosovës të individëve apo entiteteve të sanksionuara; Ndalim udhëtimi në territorin e Republikës së Kosovës për individet e sanksionuar; Ndalim për individë dhe entitete në Republikën e Kosovës, që të vënë në dispozicion fonde, qoftë në mënyrë direkte ose indirekte, për individët dhe entitetet e sanksionuara./Arbresh.info